Lirik Lagu Sasak Ngiring Penganten - Erni Ayuningsih

Laporan Lalu M Gitan Prahana

TRIBUNLOMBOK.COM, LOMBOK TENGAH - Simak lirik lagu Sasak Ngiring Penganten yang dipopulerkan Erni Ayuningsih.

Lagu Sasak ini menceritakan tentang bagaimana masyarakat sasak pergi mengiring pengantin.

Lirik Ngiring Penganten - Erni Ayuningsih

Lamun terune dait dedare
Bepayuan gin merariq
Dengan toak pade tinjot
Sak gitak anak ne jari penganten

Batur bajang 
luek pade dateng
Sak bejangok 
Sak jangok penganten

Malem nikah bentek-entek
Rase angen jari penganten
Luek dengan sak nyaksian
Toak kanak nine mame

Bentek entek 
Gamak idap angen
Bentek entek 
Gamak idap angen

Inggas nikah gamak batur
Karing te antih jelo begawe
Gawe dateng gamak batur
Ngerameang pinak hiburan

Mulen adat Sasak gamak batur
Gawe nyongkolan jari tradisi

Jelo gawe gamak batur
Gong gamelan bareng kecimol
Ngerameang pinak hiburan
Luek dengan sak bejogetan

Silak batur te iring penganten
Iring penganten jok balen mentoak ne
Silak batur te iring penganten
Iring penganten jok balen mentoak ne

Penganten nine dait mame
Bepayasan marak raje
Tepayungang gamak batur
Sik payung agung aduh solah ne

Silak batur te iring penganten
Iring penganten jok balen mentoak ne
Silak batur te iring penganten
Iring penganten jok balen mentoak ne

(*)